Arme Tüüfel
Ich bin doch bloss en arme Tüüfel mit 'me
ziemlich groteske Humor
Kes Schwein lost da obe uf mich und i de Höll
bin i au nur Lokalmatador
Wer würd scho für mich en Zölibat erlide?
Oder sis eigene Chind la beschnide?
I mim Name würd kenn Mensch uf en Chrüzzug gah
Oder schächte, verknächte und abschlachte la
Für mich het mer de wo andersch isch oder denkt
Weder verfolgt, verjagt, no verbrennt oder ghänkt
Und en heilige Chrieg unter em Banner vom Geissbock
wär au eher unvorstellbar
Ich bin doch bloss en arme Tüüfel und
nöd bsunders iiflussrich
Und drum han ich Ihn erfunde und sither
lauft alles ganz bäumig für mich
Ja sit ich Ihn für eu erfunde ha lauft
alles wie am Schnüerli für mich
