Chreis
Es isch emal en Chreis gsii de hät Egge und Kante welle
Will er hät sich au endli mal uf ei Siite welle stelle
Aber immer wenn er probiert hät en eigne Standpunkt z finde
isch er eifach wiitergrollt gäg links rechts oder hinde
Aber immer wenn er probiert hät en eigne Standpunkt z finde
isch er eifach wiitergrollt gäg links rechts oder hinde
Drum isch er zum Ernährigsberater dä hät im Inserat versproche
mit sinere Diät werdi jede zum Quadrat i grad emal drü Wuche
er hät nur no d Hälfti gässe und jedi Kalorie genau ufgschribe
isch sogar täglich no go jogge aber d Rundige sind blibe
mit sinere Diät werdi jede zum Quadrat i grad emal drü Wuche
er hät nur no d Hälfti gässe und jedi Kalorie genau ufgschribe
isch sogar täglich no go jogge aber d Rundige sind blibe
So hät er s Geodrüegg und de Zirkel gna und hät agfange a sich umezkonstruiere
Er hät Fläche berechnet Tangente zeichnet mit em Ziel sich selber z' quadriere
Je länger er dra gschafft hät desto meh hät er d' Zahl Pi verfluecht
Je länger er dra gschafft hät desto meh hät er d' Zahl Pi verfluecht
und so hät er e chli später en Figurepsychiater ufgsuecht
De hät zueglost analysiert und gseit bi all dem
handli s sich offesichtlich um es Figurproblem
handli s sich offesichtlich um es Figurproblem
Er hät en Gsprächschreis empfohle und es Medikament verschribe
hät pro Stund 180 Franke verrechnet aber d' Rundige sind blibe
hät pro Stund 180 Franke verrechnet aber d' Rundige sind blibe
Es isch emal en Chreis gsii de hät Egge und Kante welle ha
Er isch rundum unglücklich gstorbe de Chreis vom Lebe schlüsst sich da
Debi hät er sich nur eimal uf sich selber müesse bsinne
Jede weiss doch: Wahri Egge & Kante chömed vo inne
Debi hät er sich nur eimal uf sich selber müesse bsinne
Jede weiss doch: Wahri Egge & Kante chömed vo inne
