Denke
plötzlich wird`s still ich denk no und frog mich
was du jetzt grad denksch dass ich denk über dich
denn denk ich, au du denksch vilicht drüber no
was ich denke, dass du über mich denksch und so
wenn ich denk, du hebsch denkt was ich denk, dass du denkisch
denn denki, dass das um ein Egge z`viel denkt isch
keis Wort fallt, wo üs chönt vom Denke ablenke
au du denksch, ich heb denkt du denksch, was ich denke
ich studier, was du denksch dass ich jetzt chönti säge
mer schwiged bim Denke und s`macht üs verläge
vilicht goht`s der glich und au du überlaisch
was ich mer so denke dass du jetz denn saisch
wenn ich denk, du hebsch denkt was ich denk, dass du denkisch
denn denki, dass das um ein Egge z`viel denkt isch
keis Wort fallt, wo üs chönt vom Denke ablenke
au du denksch, ich heb denkt du denksch, was ich denke
grad jetzt, wo-n-ich denk dass das denke um d`Egge
jo eingentlich blöd isch und müehsam zum Tschegge
bisch du plötzlich weg und ich denk mer, ich hett
vilicht eifach gschider statt z`denke mol gredt
