Macht uns fertig - Texte
Primat
dörfsch en Moment go tanze ga
Zersch chrüchsch, denn Stahsch denn Laufschritt-Marsch
Mit em Ziel dass d' dich ernährsch und paarsch
Bald heissts „tschüss" es tuet chli weh
Denn isch's alls hets dich gar nie geh
Din Name kennt mer villicht no
Es paar Jahrzehnt lang oder so
Au dini Art verschwindet denn
scho gli vo dem Planet
Und d'Sunne frisst denn irgendwenn
alles wo sich um sie dreht
2 Zelle träffed sich und du
Dörfsch en Moment go tanze ga
Du kämpfsch gisch Gas Tag uus Tag ii
und irgendwenn bisch voll debii
Ja irgendwenn bisch voll de
Kaiser vo China
Oder entdecksch Amerika
Fangsch mal gschnell en Weltchrieg a
Treisch am Hochziitstag en Wonderbra
Schriibsch en Roman e Symphonie
Begründisch d' Relativitätstheorie
Machsch nebedbi us Wasser Wii
Verschüssisch de John Kennedy
Du flügsch zum Mond erfindsch d' Atom-
bombe entschlüsslisch dis Genom
Bousch de Petersdom in Rom
Und dir platzt dis letscht Kondom
Sie wähled di zum Papscht wenn's gaht
Und susch halt nur in Bundesrat
Zeigsch dass d' Erde nöd im Zentrum staht
Und dass de Mensch nur en Primat
isch
Doch all das isch jetzt egal
Will die CD isch die richtig Wahl
All's wo du gsuecht häsch steckt da drinn
und git deim Läbe endli en
Fründe
Ich han würkli es paar sehr sehr gueti Fründe
wo mir täglich mailed zum mir fürsorglich verkünde
wenn mer im e Wettbewerb chan Millione günne
oder wo's e geili Webside git mit füdliblutte Nonne
Sie kenned s' bescht Aagebot für Replica-Uhre
Büüted Software fasch gratis a und sueched Investore
für ihri Bouprojekt in Prag und uf Mallorca
und sie wüssed dass i Viagra bruuch zum es richtigs Rohr ha
Ich han würkli es paar sehr sehr gueti Fründe
Ich han würkli es paar sehr sehr gueti Fründe
Hey - Ich han würkli es paar sehr sehr gueti Fründe
die fülled mer de Briefchaschte us ehrewerte Gründe
Sie wüssed dass de Chleber nur isch zum de Chaschte schmücke
und dass ich jedesmal juchze vor Entzücke
über de Prospekt mit de schönschte und gschidschte
Gsichter im Land und em Hiiwis uf d'Lischte
woni dene ihri Näme muess hiischribe
wenn i wott dass mer neutral und unabhängig bliibed
Ich han würkli es paar sehr sehr gueti Fründe
Ich han würkli es paar sehr sehr gueti Fründe
Au ich han würkli es paar sehr sehr gueti Fründe
die quatsched mi am Bellevue a wänd mich vo mine Sünde
erlöse und vom Böse beschütze und bewahre
Sie warned mi vor all dene unsichtbare Gfahre
wo eim ständig uuflured in Form vo de Verfüehrig
dur weltlichi Glüscht und mit re gwüssre Rüerig
nimm ich zur Kenntnis dass sie mir es Büechli wänd schenke
wo mir helfe wird mini Seel is Paradies z'lenke
Ich han würkli es paar sehr sehr gueti Fründe
Ich han würkli es paar sehr sehr gueti Fründe
Gueti Fründe muemer pflege, die sind zimlich selte
drum tüend mir ihne ihri Selbschtlosigkeit vergelte
persönlich und vo Herze tüend mir eus jewils bedanke
für jedes Mail, jede Prospekt und die wertvolle Gedanke
und will das nonig gnueg isch für das wo sie eus gebed
und mir ihne möchted zeige wie mir's gnüsse dass sie läbed
hämmer all die wunderbare liebenswerte Lüüt
zun're Party iiglade, und die Party die isch hüt!
Eier
I mim Chüelschrank stönd normalerwis 9 Eier i zwei Reihe
liecht versetzt also nöd grad hinterenand
Sie stönd im 3. Fach vo une obe a de Milch
direkt nebed em Anke i de Chüelschranktürewand
Und wenn d' s gnau aluegsch gsehsch en Stempel wo bewiist
es sind Schwiizer und sie chömed notabene vom Freiland
Und wenn ich dur d' Chuchi stiffle
denn ghör is mängisch chiffle
mer chönnt säge, diä händ zimli heavy Krach
Und won ich d' Türe uufrisse
git es bruns Ei emne Wisse
grad gupfvorah en Eiertätsch uufs Dach
Natürli han is gfräget was da los seig und han gfluechet
weg de Souerei wos agrichtet händ
Da händ di Brune ganz uufbracht gseit die Wisse rüefid ständig dass all
brune Eier fuuli Eier sind
Und die Wisse händ verzellt z'erscht heiged aber scho di Brune gseit die
Wisse heiged all en weiche Grind
Und da han i mit ne gschumpfe
Mit de Spitze und de Stumpfe
Han gschroue so chönns nüme wiitergah
Han gseit „Weg so banale Gründ
wie de Farb vo Schale münd
sich nur die dümmschte Eier d'Chöpf iischlaa!"
Die nün Eier wo normalerwiis versetzt hinterenand stönd
han ich denn im ganze Chüelschrank verstreut
Doch sie händ s'Gmües afange Mobbe und händ em Chäs gseit er seig en Stinker
und au d' Yogurt händ sich nöd würklich sehr gfreut
Drum han ich kei andri Wahl gha
Han e Pfanne und chli Öl gno
Han Rüerei gmacht und russische Salat
Han wie vom Eitüfel besesse
E Wuche lang dra gesse
Und ihr chönd eu denke - wie's mir jetzt gaht...
Normal
Min Psychiater seid das seig alles normal
mal abgseh villicht vo de Schue
Aber die münd halt so si all andre sind mer z'schmal
und so nen Halux laht eim susch kei Rue
Und de seig anschinend wie au d'Schlaflosigkeit
es typischs und hüüfigs Symptom
für Druck Stress und mangelndi Entschlosseheit
bim therapiere vom Burnout-Syndrom
Das isch normal (das isch normal) das isch normal (das isch normal)
mal abgseh villicht vo de Schue
Das isch normal (das isch normal) das isch normal (das isch normal)
malabgseh villicht vo de Schue
Min Psychiater seid das seig alles normal
mal abgseh villicht vo de Schue
Und Panikattacke wie au Aatribslosigkeit
ghöred zur Depression halt dezue
Au unter Platzangst und Asthma lidid 23 Prozent
vo allne ähnlich glagerete Fäll
Und bi dere Diagnose seig ich nöd de erscht Patient
wo zum Zmorge kei Rüehrei me well
Das isch normal (das isch normal), das isch normal (das isch normal)
mal abgseh villicht vo de Schue
Das isch normal (das isch normal), das isch normal (völlig normal)
Und hät nüd mit CO2 und so z'tue
Dass mer mit de Skistöck dur de Wald marschiert (das isch normal)
Dass mer bi Problem de Mike Shiva konsultiert (das isch normal)
Dass mer jetzt die CD für all sini Fründ kopiert (das isch normal)
Und sich da debi nöd emal es bizeli geniert (das isch normal)
Das isch normal (das isch normal), das isch normal (das isch normal)
mal abgseh villicht vo de Schue
Das isch normal (das isch normal), das isch normal (so stinknormal)
Au wenns nöd passt uf d' Huut von're Chue
Das isch normal (das isch normal), das isch normal (das isch normal)
mal abgseh villicht vo de Schue
Das isch normal (das isch normal), das isch normal (eimal normal
Mit Senf und mit Ketchup dezue
Min Psychiater seid das seig alles normal
mal abgseh villicht vo de Schue
Aber die münd halt so si all andre sind mer z'schmal
und so nen Halux laht eim susch kei Rue
Jeanny
und luege chli Bikini
do chunnt e chlini fini
im ne Mini, schön wär`s mini
doch de Reini, so`nen Heini
sait, seg sini chlini Jeanny
do nimmi no`n Martini
lueg no chli uf s`Bikini
und de Mini vo de Jeanny
säg zu dem Heini: „Los mol, Reini
lueg, ich meini, es isch keini
so schön, wi dini chlini Jeanny."
drum nimmi grad no`n Martini
und säg bim Caipirini-
-a zur Jeanny: „Ja, so bini
au wenn`s schini, dass i spinni,
schick de Reini i d`Ukraini
bis lieber mini chlini Jeanny!"
jetz trinki en Bikini
und lueg scho ganz Martini
dri, wo de Reini mer denn eini
haut, trifft mini Fuscht i sini Chini ini
und denn ladi mini Jeanny -
uf en Gin i
oh, Jeanny, nimmi mit uf Rimini
i gschpüre`s im Urin, i lad di uf Berlin i
ja, für di nimmi jedes Vitamin i
oh, Jeanny, du bisch mis Schinie
oh, Jeanny, ich lad dich uf Tortellini
i nes Reschti in Turin i
gseh im Läbe nümm de Sinn i
wenni nöd chan din James Dean si
oh, Jeanny
mini Jeanny, bisch mini Medizin, i
find di so feminin, i
mach wege mini mit dini
no ganz vill chlini Jeanny
ou, Jeanny
mit dir bini
no lang noni fini
Chreis
Aber immer wenn er probiert hät en eigne Standpunkt z finde
isch er eifach wiitergrollt gäg links rechts oder hinde
mit sinere Diät werdi jede zum Quadrat i grad emal drü Wuche
er hät nur no d Hälfti gässe und jedi Kalorie genau ufgschribe
isch sogar täglich no go jogge aber d Rundige sind blibe
Je länger er dra gschafft hät desto meh hät er d' Zahl Pi verfluecht
handli s sich offesichtlich um es Figurproblem
hät pro Stund 180 Franke verrechnet aber d' Rundige sind blibe
Debi hät er sich nur eimal uf sich selber müesse bsinne
Jede weiss doch: Wahri Egge & Kante chömed vo inne
was ich hüt Abig für eus planed ha
De Kuss die Umarmig mis Lächle zur Tarnig
Verdammt nomal wie fang i bloss a?
Villicht schlaf i gschider nomal drüber und
Villicht find i bis morn ja en Grund
Worum glich alles no guet chönnt cho
oder so
Es tuet mer leid
ich hät dir vill lieber öpis vill Liebers gseit
han eigentli ghofft
du wüssisch insgeheim scho längschtens Bscheid
Sit zweiehalb Stunde sind die Sätz all verschwunde
won ich mir so sorgsam z'recht gleit ha
Du frägsch was ich heigi öb all's in Ornig seigi
und luegsch mi debi e so wehmüetig a
Villicht isch das doch nöd de richtig Moment
Und villicht sind 100 doch nöd gnueg Prozent
Villicht isch „sicher" wenn d' gnau luegsch bloss
Es anders Wort für „hilflos"
Es tuet mer leid
ich hät dir vill lieber öpis vill Liebers gseit
Es isch nöd fair
s „Für Immer" isch wie immer ohni Gwähr
Es tuet mer leid
ich hät dir vill lieber öpis vill Liebers gseit
Und 's wird nie meh
en Spiegel geh wo min Ablick ertreit
'S isch alles wie immer und du häsch kenn Schimmer
was ich hüt Abig für eus planed ha
Patridiot
Was wotsch da mache?
Was wotsch da mache?
Was wotsch da mache?
Was wotsch da mache?
Du chunnsch hei und sie staht mit em packte Kofffer a de Tür
und erchlärt, du seigsch ganz ellei a allem Gschuld
seigsch will du nämli all die Jahr immer nur a dich tänkt heigsch
ja früener au nie gfrägt was los seig jetzt segs z' spat
und d Chind seiged scho bi ihrne Eltere
heigets es besser und sie schmeisst de Ring an Bode
leit de Mantel a und gaht
nöd uf dini Frage i und laht dich
im Räge stah Räge stah
Was wotsch da mache?
Was wotsch da mache?
Du gahsch i d' Stube und gsehsch dass sie all dini Jahrgangswii
über em neue Plasmafernseh verschlage hät
sie au dini Schallplattesammlig und zwar fin süüberlich jedi einzel Schiibe
a dim neue BMW und de Bildschirm vom PC
oh je
Was wotsch da mache?
Was wotsch da mache?
Was wotsch da mache?
Was wotsch da mache?
Drum sind mir
Gäge s Iizieh vo de Taschemunition!
Gäge s Iizieh vo de Taschemunition!
Gäge s Iizieh vo de Taschemunition!
Gäge s Iizieh!
Und s Sturmgwehr ghört in Chleiderschrank!
grüezi, guete Tag, schö, dass Sie bevor sie gönd
üsri Nummre igschtellt händ und sich vo üs berate lönd
um Ihne chöne z`helfe - und zwar möglichscht effizient -
simmer froh, wenn mir vo Ihne zerscht no zwei, drü Infos händ
wenn Sie wiiblich sind, denn trucked Sie jetz bitte d`Taschte [1]
und für d`Manne isch es s`[2], ich hoff, es Chind sind sie es keis
sind Sie trotzdem under Sechzeh, wär s`[3] jetz Ihri Zahl
und mit de Rautetaschte gänd Sie no s`Okee für Ihri Wahl
mit Hilf vo Ihrer Agab verbindet mir Sie jetzt - -
doch leider sind zur Ziit alli Leitige scho bsetzt
bitte händ Sie chli Geduld
bitte blibed Sie no dra
bald scho wird en Mitarbeiter Ziit für Ihri Frage ha
bitte händ Sie chli Geduld
bitte blibed Sie no dra
für Drü-Nünzig pro Minute simmer immer für Sie da
Mir möchted Sie druf hiwiese, dass Ihre Aruef zum Zweck
vo de Qualitätssicherig cha ufzeichnet werde.
i de Zwüscheziit chönd mer no gnauer kläre, was Sie wönd
damit mer Sie denn sofort mit em Schpezialischt verbinde chönd
wenn Sie s´[1] iigänd, chunnt sofort d`Sterbehilf zu Ihne hei
wönd Sie no s`Teschtament diktiere, wähled Sie jetz bitte s`[2]
und uf em [3] berated mir mit Ihne d`Art vom Suizid
und uf em [4] gämmer Tipps ab, wenn de Tod mol nöd iitritt
wenn Sie s´[5] trucked, wird für Sie d`Organspend arrangiert
und uf Wunsch defür im Abschiedsbrief d`Grammatik korrigiert
mit Hilf vo Ihrer Agab verbindet mir Sie jetzt - -
doch d`Leitige sind wiiterhin leider alli bsetzt
bitte händ Sie chli Geduld
bitte blibed Sie no dra
bald scho wird en Mitarbeiter Ziit für Ihri Frage ha
bitte händ Sie chli Geduld
bitte blibed Sie no dra
für Drü-Nünzig pro Minute simmer immer für Sie da
uf em [6] git`s für Katholike heissi Tipps für d`Höll
uf em [7] Tricks für Hindus wie me reinkarniere söll
uf em [8] gäb`s für jede schüchtern Moslem no en Rat
wie me mit de zweiesibzg versprochne Jungfraue umgaht
und sind Sie am End e so nen gottverdammte Atheischt ...
bitte händ Sie chli Geduld bis zum allerletschte Schnuuf
und legend Sie de Höhrer au im Todesfall nöd uuf
mir händ gern noc chli Geduld will wie lang dass es no gaht
bis Sie endli gfunde werded, irgendwo i de Sterne staht
Es staht alles i de Sterne vo Afang a
Öb du de Schoppe akzeptiersch oder s Mami muesch ha
Öb du s 1x1 kapiersch oder i d' Nachhilf muesch gah
Es staht alles i de Sterne vo Afang a
Alles i de Sterne
Wenn sie eso nen widerliche Widder sind
staht de Neptun hüt wieder guet für d Erziehig vo de Chind
ohni Znacht is Bett und vorher es paar an Grind
wenn sie eso nen widerliche Widder sind
Als Rind - das heisst als Stier - müend sie de Grind nöd immer durestiere
Tüend sie s riskiere und statt eme stiere Bier mal öppis härts probiere
e Linie zieh und ohni sich z' ziere uf allne Viere tüüf inhaliere
mit em Mars im erschte Huus chan da nöd viel passiere
bim Rassiere entdeckt de Zwilling hüt sis erschti graui Haar au
d' Krebsfrau erlebt en Super-Gau in Aarau
De Leu isch ihre nöd treu - er isch uf em Sprung - gnau
hüt triebt er s im Heu die Sau mit Eiger Mönch und Jungfrau
Es staht alles i de Sterne jede einzeln Schritt
öb d gern Kaffi ohni Milch häsch oder lieber mit
öb d im Bett en alte Knilch häsch oder de Brad Pitt
Es staht alles i de Sterne Baby jede einzeln Schritt
Alles i de Sterne
Als Waag sötted sie mit ihrem Wage mal öppis wage
und sich für eimal nöd mit Tempolimite plage
mit hundertfüfzg i d Fuessgängezone ine sage
dank em Mond im grosse Wage stellt mer de Waage hüt kei Frage
Gönd sie über Leiche und sind sie im Zeiche vom Schütz gebore
händ de Job verlore und de Direktore Rache gschwore
mit em Sturmgwehr vo vore zieled sie gnau zwüsched d Ohre
will sie sind ja schliesslich als Schütz gebore
E super Konstellation am Himmel hät de Skorpion-Maa
er muess für d' Kopulation usnahmswiis nöd in Salon gah
uf de Steibock de geil Bock werded d' Fraue defür kei Bock ha
und de Wasserrmaa wird hüt bim Wasserlaa en Schock ha
Es staht alles i de Sterne komplett und lückelos
Öb in Gstaad e Villa chaufsch oder en Chuestall in Davos
Öb din Sohn Godzilla taufsch oder wie i de Bible Mos-
es staht alles i de Sterne komplett und lückelos
Alles i de Sterne
Wenn du eso wien er en chline miese fiese Fisch bisch
dänn isch Ziit dass du de Löffel jetzt solidarisch abgisch
Stell di uf en Tisch und nimm en Strick wo frisch isch
denn für Fisch isch astrologisch hüt en Abgang charakteristisch
Es staht alles i de Sterne bis ganz am Schluss
öb du dur en Feind verrate wirsch oder dur en Kuss
öb du under es Tram grate wirsch oder under en Bus
Es staht alles i de Sterne bis ganz am Schluss
Alles i de Sterne
Öb du de Schoppe akzeptiersch oder s Mami muesch ha
Öb du s 1x1 kapiersch oder i d Nachhilf muesch gah
Öb d' gern Kaffi ohni Milch häsch oder lieber mit
Öb d im Bett en alte Knilch häsch oder de Brad Pitt
Öb in Gstaad e Villa chaufsch oder en Chuestall in Davos
Öb dini Band Vanilla Taufsch oder Guns and Ros-
es staht alles i de Sterne alles i de Sterne
Öb du dur en Feind verrate wirsch oder dur en Kuss
Öb du vom e Ami brate wirsch oder vom e Russ
es staht alles i de Sterne
Rosmarie
hät nüd mit de Wahret z'tue
Entgege allne Grücht bin ich ganz en liebe Cheib
und la dich sicher bald wieder in Rue
Kei Angscht Rosmarie es isch all's ganz andersch gsi
als mer eu wissmache wott
D'Bewiisstück sind all gfälscht und ghöret wie d'Uussage au
zume gross agleite Komplott
Ich weiss es git schints Lüüt wo unter Eid bezüge tüend
dass sie mich i dere Nacht bim Fluss gseh händ
wo anschinend mini Gartehändsche gfunde worde sind
nebem Chopf vom Schulpflegspräsident
Kei Angscht Rosmarie dass Messer a dim Hals
söll bloss e Drohig sii
Und wenn d' schön ruhig bliibsch bis mer dusse sind denn isch beschtefalls
in're Stund scho alles verbii
Ich weiss es heisst im Gmeindrat heigs sit langem scho Krach gäh
und all händ gwüsst vo ihm und miner Frau
Doch dass ich zu sonre Tat niemals fähig wär
weisch du doch ganz genau
Kei Angscht Rosmarie die schüssed sicher nöd
solang du vor mir stahsch
und s isch doch sicher au i dim Sinn wenn du jetzt da als erschts
dur die Türe use gasch
De Richter hät zwar gseit ich seigi unberechebar
und für so ne skrupellosi Greueltat
sind lebenslänglich mindeschtens 115 Jahr
z'wenig wenns nach ihm gaht
Kei Angscht Rosmarie, s tuet sicher bald nüm weh
und d' Sanität isch au gli da
Und als Troscht für all das Ungmach wo d'häsch müesse uf dich neh
gits jetzt zum Schluss noch chli Harmonika
& meischtens tuen ich so, als wärsch du gar nöd da
ich probier dich z`ignoriere, doch du nimmsch mich in Beschlag
ganz egal, was ich au mach, du plagsch mis Gwüsse jede Tag
wenn e schöne Frau chunnt, züchi dich ganz automatisch i
doch sit Churzem nützt das nüt meh, du züchsch alli Blick uf di
so stahsch du mir im Weg & zwar je länger desto meh
ich cha mache, was ich will, bisch eifach nüme z`überseh
& i de Badi chunsch du dir denn amix bsunders wichtig vor
statt mich z`beachte, nähmed alli nume no dich wohr
und bim Sex bisch nöd nur pinlich, nei, du hocksch wie so`n Planet
zwüsched mir und minre Liebschte & du störsch üs ganz konkret
säg, häsch s`Gfühl, ich merki nöd, dass`d immer hemmigsloser wirsch
& dich, wenn i sitz, jetz penetrant in Wurschtform präsentiersch
& dass du kei Aschtand häsch, das zeigt sich, wenn du`s wieder schaffsch
dass`d ohni, dass i`s merk, under min T-Shirt füregaffsch - under sim T-Shirt füregaffsch
mini Lieblingshose sind weg dir scho zimlich lang passé - das hät mer gseh
ja, du häsch`s sogar gschafft, mir d`Freud a Süessigkeite z`neh - kei Dessert meh
& gsehn ich dich im Schaufenschter denn doch mal im Profil
denn nimmsch mer jedi Hoffnig uf es bitzli Sex-Appeal
ich lueg dich vor em Spiegel nume no vo vorne a
& meischtens tuen ich so, als wärsch du gar nöd da
ich probier dich z`ignoriere, doch du nimmsch mich in Beschlag
ganz egal, was ich au mach, du plagsch mis Gwüsse jede Tag
us mim Chopf usepresst und ines Couvert dri ta
has weg gschickt wiit weg aber drü Tag später
s Couvert wieder im Briefchaschte gha
mit em Hiiwiis verseh es seig nöd gnueg höch frankiert
also bin i uf d Poscht und ha mi det informiert
sie händ min Brief gwoge und sehr überrascht
gseit: "All Marke vo de Welt langed nöd für die Lascht"
Han die Gedanke a dich mit Draht umwicklet
und han es paar schweri Stei dra ghenkt
bin an Bürkliplatz gfahre han es Pedalo klaut
und han di ganz Fuer zmittst im Zürisee versenkt
Spaht i de Nacht verschwitzt und erschöpft
bin i hei cho und han en Schampus gchöpft
endli erlöst han i es Bad iiglaa
und nöd dra denkt dass i s Wasser vom Zürisee ha
Has inen Felsspalt dri zwängt und mit Beton übergosse
has mit Dynamit gsprengt und mit Granate druf gschosse
has i Süüri ufglöst mit Füür und Flamme probiert
doch nüt vo all dem hät funktioniert
drum träg i die verfluechte Gedanke a dich
immer no mit mir ume und s wär würkli hilfrich
wenn du wo das ghörsch chöntsch en Rat hinterlaa
im Gäschtebuech uf "Heinz de Specht.ch"
Sit ich dich kenne, gaht d' Sunne nur no uuf
Und es wird heller Tag für Tag
Sit ich dich kenn, hät s' Lebe ganz en andre Groove
Du bisch mis Liecht, bisch min Herzschlag
Wenn d' kes Wort meh muesch verlüre, will au so alles klar isch
Wenn en Blick scho gnüegt zum gspühre, dass du alles für sie bisch
Wenn "ewig" vill vill z churz schiint, und du alles für sie gisch
Denn chasch sicher sii - dass' Liebi isch!
Sit ich dich kenne sind jetzt guet 20 Jahr verbii
Und mer gsehts der fasch nöd aa
Guet ich muess zuegeh, ich han d'Brülle nöd debii - und du häsch
Nöd nur d' Lippe mache laa
Wenn d' kes Wort meh muesch verlüre, will au so alles klar isch
Wenn en Blick scho gnüegt zum gspühre, dass du alles für sie bisch
Wenn "ewig" vill vill z churz schiint, und du alles für sie gisch
Denn chasch sicher sii - dass' Liebi isch!
Backs übernehmen:
Wenn d' kes Wort meh wottsch verlüre, will ja alles scho gseit isch
Wenn en Tritt scho gnüegt zum gspühre, dass' d uuf ihrer Siite lisch
Wenn s dir wie ewig vorchunnt, sit du alles für sie gisch
Denn min Fründ chasch würkli ganz ganz sicher sii - dass' Liebi isch!
Wenn du Böge füre borisch, und sie das lächelnd registriert
Wenn sie d'Achsel-, d' Bei- und d' Schnauzhaar, scho sit Jahre nüm rasiert
Wenn sie chunnt go Zäh putze, wenn du am schisse bisch
Denn chasch sicher sii - dass' Liebi isch!
Ja denn chasch sicher sii
s`hät scho so en grosse Chopf und au s`paar Höörli dra
er macht i d`Windli wie`nen Grosse, i allne Farbe richtig gsund
und wie`nes Ührli chunnt er jedi Nacht pünktlich all zwei Stund
er isch so schnüsig, wenn er schreit, bevor en s`Mami schtillt
und wie ner noch em Chötzle lieb i mini Richtig schillt
er isch so gschiid und merkt im Schlaf no, wemme us sim Zimmer schlicht
ja, ich bi stolz, dass alli säged, dass de Bueb mir total glicht
jö, jetz lueg emol das härzig Büebli a
lueg, wie`ner mit knapp zwei Jahr jetzt scho laufe cha
er weckt jetzt ständig s`ganzi Huus uf, wenn er nächtlang düre schreit
und cha scho Arschloch zue mer säge, will das s`Mami immer sait
es isch so schnüsig, wie`ner alli mit sim Charme betört
während dem er i de Schtube s`Mobiliar zerschtört
er isch so süess, wenn er s`Gmües a d`Decki wörft und debi lacht
und will er d`Windle nüme hät, sis Gschäft i d`Chuchi macht
jö, jetz lueg emol das härzig Büebli a
er cha scho ganz elei de Weg in Chindsgi gah
er redt sogar scho englisch, „fuck" und „shit" i jedem Satz
und usem Garte wörft er grossi Stei nach de Nachbars-Chatz
es chunnt jetz vor, dass er sis Mami in en Chaschte bschlüsst
und denn ungschtört mit sim Luftgwehr chli uf d`Rentner schüsst
uf em Spielplatz schlaht er chlin`ri Chind, wo sich nöd wehre chönd
ja, ich gnüsses würklich mit em jedes zweiti Wuchenend
mini Alimentli
tüemmer scho chli weh
tüemmer scho chli weh
ich halt es paar Chöpf über Wasser
und s`Schwänzli nümm i d`Höh
ILS (Internationale Lovesong-Solidarität)
Hüt möchte ich eu uufkläre über all die unfaire Gsetzmässigkeite
vo de Globalisierig und di kapitalistische Ungrechtigkeite
würd so gern solidarisch mit dem Lied da go kämpfe für d'Natur wo in Gfahr isch
und gege s Elend und die wo scho z'vill händ und immer no meh wänd
Aber es
Chunnt mer en Lovesong dezwüsched, ich bin entsetzt
wo mir d'Gedanke verwüschet (und) all mini Vers bsetzt
debi het ich jetzt
doch vill lieber mal gfluecht über d'Weltbank und d' Nato
Het Lösige gsuecht wo ganz sicher bis Dato
no niemmer druufcho isch nöd mal de Einstein oder de Plato
Es chunnt mer en Lovesong i d' Queri
s fallt mer nüd anders i
als dass ich gern bi dir wäri
zwecks ewiger Liebi
bitte sperred die Dieb i
Wo mir d'Ideeä chlauet min Protestsong versauet
und mir understelled dass ich lieber e Frau het
als mich z'engagiere geg de Imperialismus
und geg die wo regiered
Ich glaub ich muess es mal in C-Dur probiere
Aber au da
chunnt en Lovesong dezwüsched
will ich dich vermisse
und nur schampar gern gwüsst het
öb ich dich chön küsse
Oh baby ich bruuch di, ich bruch di so fescht
Will du bisch würkli die Einzig, ja du bisch di bescht
Schalallalalalalala du machsch mich glücklich und froh
Schalalalalalaallala du bisch mis Herzblatt und so (Schalalala)
Du bisch mis Herzblatt und so (Schalalala)
Du bisch mis Herzblatt und so
wüssed mir halt jetzte au immer nonig
How many roads must a man walk down
Papier
The answer my freind, is blowing in the wind
the answer is blowing in the...
Es hät kei WC-Papier meh
Und s Klima erwärmt sich Tag für Tag
Es hät no nie so vill Katastrophe geh
Und au no nie so vill Mord und Todschlag
Es hät kei WC-Papier meh
Und d' Arbeitslosigkeit nimmt zue
Händ er all die Drogedealer gseh?
Öpper muess endli, endli öppis tue!
Wer hät die letschti Rolle bruucht?
Wer hät s' letscht Papierli gno?
Wer hät die letschti Rolle bruucht und gopferdeckel nonemal
kei nöi-i ane tah?
Es hät kei WC-Papier meh
Und de Regewald stirbt au
Bald wird's kei Gletscher me geh
Defür gits jetzt Vogelgripp und HIV
Es hät kei WC-Papier meh
Und im Meer scho bald kei Fisch
Mer söt das würkli tierisch ernscht neh und erruiere
wer für de Schlamassel verantwotlich isch
Wer hät die letschti Rolle bruucht?
Wer hät s' letscht Papierli gno?
Wenn wird mi endli öpper ghöre und mich mit eme
Hakle-Pack go rette cho?
Wer hät die Welt sooo kaputt gmacht?
Wie häts nur so wiit chönne cho?
Dass mer nur schadefreudig lacht wenn eine mit eme
dreckige Füdli muess uufstah?
Es hät kei WC-Papier meh
Und ich sitz da scho bald e Stund
Es hät kei WC-Papier meh
Mis Hinterteil isch scho ganz wund
Es hät kei WC-Papier meh (hetsch halt gschider vorher glueget)
Min Arsch tuet würkli zimli weh (hetsch gschider glueget öbs no gnueg hät)
Es hät kei WC-Papier meh (hetsch halt gschider vorher glueget)
Söll i ächt s Unterlibli neh (yeah yeah)
Oder de antiautoritäre Erziehig Gschuld gäh
Tierisch
en Esel, e Chue, e Sau und e Chatz
gumped wie Frösch uf em Bundeshuusplatz
d`Chatz nimmt en Satz und de Esel grad au
d`Chue macht`s ne na und isch schtolz wie `nen Pfau
d`Sau selber isch lahm wie`nen Schnegg und sie chunnt
scho noch zwei Frosch-Hüpfer voll uf de Hund
„E Sau cha halt nöd immer nume Schwein ha",
sait de Esel und lacht und macht saublöd i-aa
das fuchst d`Sau und sie sait zum Esel: „Du, Chue!"
druf sait d`Chue zur Sau: „Blöde Aff, gib mol Rueh!"
do plötzlich sait s`Büsi: „Exgüse, miau,
dass de Esel e Chue isch, find ich im Fall au!"
jetz wehrt sich de Esel: „Ich bi doch kei Chue!
Die Chatz isch e Sau und e blödi dezue!"
„Jetz langet`s", sait d`Sau und d`Chue, die sait: „Muh,
jede wär gern de Chef, doch mir händ kän Guru."
„Ihr händ doch en Vogel!", rüeft d`Chatz druf und so
schtriitet Sau, Chatz und Esel wie d`Affe im Zoo
nur d`Chue wird ganz schtill und im Gsicht grüen und blau
und macht plötzlich d`Sau, d`Chatz und de Esel zur Sau
de Gschider git nah und de Esel blibt stah
das sait me, doch s`schtimmt nöd, nur d`Chue lebt jetz na
ich weiss, dass du über d`Moral schtuune wirsch:
wenn wie d`Chue all zur Sau machsch, denn bisch du de Hirsch
jetz weisch, wie de Has lauft, nur ei Frag blibt no
müesst nöd no öppis Politischs vorcho
warum susch schpillt die Gschicht uf em Bundeshuusplatz
doch das jetz i eim Satz no z`kläre, wär tierisch für d`Chatz
Nyffenegger
My name is Hansjakob Nyffenegger
You don't know me
You don't know me
Yeah-Yeah
Aber ich bi de Typ wo d'Schlange a de Kasse immer
so organisiert dass's der jedes Mal passiert dass
die wo du dine stahsch die langsamscht isch
Und ich bi de wo jedes Mal wenn du Wösch häsch,
dini Söcke us em Tumbler chlaut so dass d' irgendwenn
vo jedem Pärli gnau no eine übrig häsch
Und wenn'd wieder mal is Kino gasch
und über de wo vor dir sitzt nöd mal ine gsehsch wenn d' stahsch
denn chasch di druf verla dass ich das Viech det hie gsetzt ha-a
Und wenn du am Samschtig gross gasch go poschte fürs Wuchenend
und uuf em Heiweg über dir zwei fetti Wulche z'Bruch gönd
denn chasch der sicher dänke was i mit dim Migrosack vorha
My name is Hansjakob Nyffenegger
You don't know me
You don't know me
Wer würd scho für mich en Zölibat erlide?
Oder sis eigene Chind la beschnide?
I mim Name würd kenn Mensch uf en Chrüzzug gah
Oder schächte, verknächte und abschlachte la
Für mich het mer de wo andersch isch oder denkt
Weder verfolgt, verjagt, no verbrennt oder ghänkt
Und en heilige Chrieg unter em Banner vom Geissbock
wär au eher unvorstellbar
Ich bin doch bloss en arme Tüüfel und
nöd bsunders iiflussrich
Und drum han ich Ihn erfunde und sither
lauft alles ganz bäumig für mich
alles wie am Schnüerli für mich
Ich säg da da da da da da da
Eifach da da da da da da da
Es wär super mit da da da da da
Nume da da da da da da da
D' Lösig heisst da da da da
You know we need da da da da da da
Aha, du meinsch da da da da
Ja klar, es brucht da da da da
Alles wär gut mit meh da
Mit meh da da da da da da da
E Welt ohni Hunger dank da
Da da da - Dalmatinergulasch
An 're rassige Pinschersauce
Mit dem Dackelpurée dem famose
Dezue en burschikose
Bordeaux und zum Dessert Terrierpudding
mit Aprikose
us Dose
