Müeh geh
Ich bin uf Holzbänk gsässe bis mer de Arsch weh ta hät
Han uf Befehl d'Händ gfaltet, zum Gebet
Han de Chopf gsenkt und wie sichs ghört am Schluss „Amen" gseit
Han bim Singe wenigschtens s'Muul chli bewegt
Han mich übers Geplapper nur liislig uufgregt
Und bim Uselaufe zwei Stutz is Töpfli gleit
Ich ha mir doch so Müeh geh
Ich ha mir doch so Müeh geh
han kei Frage gstellt, kei Iiwänd vorbracht
han s Hirni abgschaltet, wiemmer's det halt so macht
Ich ha mir doch so Müeh geh!
Ich bin 5o Kilometer marschiert i de Nacht
Han d'Gamelle putzt und zur Kontrolle bracht
Han luut und dütlich grüesst wenn d'Hüet Streife gha händ
Ich d' Haar churz gschnitte und mich täglich rasiert
Han i 12 Sekunde d'Schutzmaske montiert
Und ha nöd mal glacht wos gseit händ es seig fürs Vaterland
Ich ha mir doch so Müeh geh
Ich ha mir doch so Müeh geh
han kei Frage gstellt, kei Iiwänd vorbracht
hans Hirni abgschaltet, wiemmers det halt so macht
Ich ha mir doch so Müeh geh!
Jetzt han i em Militär und de Chille abgschwore
Hans Gwehr müesse abgeh und s'Seeleheil au grad verlore - debi
Han ich mir so Müeh geh
(Er hät alles versuecht und immer sis Beschti taa)
Ich ha mir doch so Müeh geh
(hät glehrt wiemmer trotz Verstrahlig sin Stützpunkt verteidige cha)
Ich ha mir doch so Müeh geh
(dass mer nöd uf d'Bei ziilt und uf kenn Fall en Warnschuss abgit)
Ich ha mir doch so Müeh geh
(In the name of the father of the son and of the holy spirit)
Ich ha mir doch so Müeh geh!
(In the name of the father of the son and of the holy shit)
Ich ha mir doch so Müeh geh!
Im Name vom Vater, vom Sohn und vom heilige
