Schön & Gschid
Lueg da uuf minre Siite sitzt wieder mal d'Elite
Öb das bsunders lässig isch da laht sich drüber striite
Da zum Biispil hämmer en Philosophie-Professor
Und das isch de Erfinder vom Microprozessor
Bi mir ene wimmlets au wieder mal vo Lüüt mit
E me IQ wiit über em Durchschnitt
er zum Biispil isch i sim Fach de Allerbescht er
studiert die Franzose schliesslich scho sit zwölf Semester
Sie doziert a de Hochschuel über Quante-
physik und er isch eine vo de Fernsehintendante
Hey guete Abig was für en Ehr: En Nationalrat!
Und endli mal en Chef wo mit de Sekretärin uusgaht
Sie schafft für e Grossbank - als Bankdirektorin
Und sie da isch e geniali Beschtsellerautorin
Und die jung Frau isch bi de Heilsarmee Majorin
Und er da überwacht de Kernreaktor in
Gösge
Natürli händ mir nüd geg Intelligenz und Maniere
Nur i dem Fall chömmer leider nöd devo profitiere
Will vo det obe chömmer schlecht mit eu diskutiere
Münd aber de ganz Abig eui Gsichter studiere
Säg
Worum sitzed immer all die Schöne vor em Dani?
Worum sitzed immer all die Schöne vor em Dani?
Worum sitzed immer all die Schöne vor em Dani?
Siit Jahre isch das so und ich muess säge das verstahni
nöd!
O-Kay Kollege, jetzt nehmeds mal chli easy
Isch doch scho mal cool für eu dass ihr chönd debi si
Logisch sitzed da bi mir all die Attraktive
„Schön und schön gesellt sich gern" isch mini Direktive
Aber ich chan eu säge es steckt verdammt vill Arbet dehinder
Bis die Lüüt da vor mir uusgwählt sin, es isch echt kes Chinder-
spiel unter all dene wo mis Blickfeld möchted ziere
de Spreu vom Weize z'trenne und mini Uussicht z' optimiere
Sie da kennt mer als Covergirl i de Gala
Und sie isch mindeschtes es 8-i uf de Scala
vo 1 bis 10 wenn er wüssed was i meine
Und so en makellose Bart wie er hät susch e keine
Er isch en Bodybuilder, en schöne und en fitte
Und sie da hät die absolut perfekt gformte - Ohre
Vo vore gseht er doch fascht uus wie de George Clooney
Und sie isch d'Doppelgängerin vo de Carla Bruni
Oder so
De wichtigscht Ma im Ruum sitzt wie immer hinter em Mischpult
Und wenn er am Schluss enttüscht isch sind au dasmal wieder ihr Gschuld
Drum mached bitte ab und zu für ihn e schöni Welle
Und rüefed luut sin Name ich hoff mir därfed uuf eu zelle
Er heisst Gögs, Andrew oder Tobi
