Schwarzi Chleider
Ich weiss, du chasch nöd verstahdass ich immer nume schwarzes Züg a ha
Mini düschteri Erschiinig, die findsch du ziemlich schräg
Aber s'git en Grund dass ich die Chleider träg
Ich träg Schwarz für die gschunde Kreatur
wo es Läbe lang im Chefig sitzt und nur
uf em Weg zum Schlachthof für die letschte drü vier Stund
verängstiget zum Kerker usechunnt
Für die Robbe wo au Stunde später no
d' Rescht vo ihrem Junge nonig wot verlaa
träg ich's genauso wie für die Chatze, Müüs und Hünd
wo Jahrelang im Labor lide münd
Ich trägs für de wo vor em trochne Brunne staht
und au das Mal mit leere Händ hei gaht
Wo sini Chind gseht hungere und kenn Uusweg finde cha
Usser d'Heimat und d'Familie z'verlaa
Ich träges für all Fraue wo als Chind
us Tradition verstümmlet worde sind
Für all Buebe und all Meitli wo wie Sklave schaffe tüend
oder sich mit Huut und Haar verchaufe müend
Ich träges für die Manne wo grad jetzt
verrecked will mers ufenand los hetzt
Im Name vo de Freiheit und im Glaube dass sie so
en Platz im Himmel würdid übercho
Zwar hät ich gern en Regeboge a
Würd gern verzelle 's chäm scho guet, hiphip hurra
Doch solang für zwei wo obe stönd zäh unedure münd
wirsch mich nie mit helle Chleider gseh min Fründ
Es isch zum Hülä all die Scherbehüfe z'gseh
Und 's isch zum Hülä z'gseh es werded immmer meh
Und will ich ja nöd Tag und Nacht nonstop hülä cha
han ich stattdesse schwarzi Chleider a
