Wenn ich du wär
Wenn i cool wär hett i e Sunnebrülle a
Und d'Hose so dass mer de Spalt vom Arsch gseh cha
Wenn i glaube würd brücht ich kenn Dokter meh
Und chönnt bim Homöopath es Placebo mitneh
Wenn is checkt het het i Wirtschaftsrecht studiert
Und d' Stürerchlärig nöd so plump frisiert
Wenn i ä Kaputze hät würd i a d' 1.Mai-Demo gah
Und statt en Big Mac z'neh es paar Pflasterstei det laa
Aber wenn ich du wär würd ich mir e Chance geh
Aber wenn ich du wär würd ich mich bi de Hand neh
Wenn ich du wär, würd ich mich ganz fescht in Arm neh
und säge „s chunnt scho guet"
Wenn i Ziit hät denn würd ich mir Müeh geh
Wenn s mer wichtig wer denn würd ich mir Ziit neh
Wenn i frei wär chäm i trotzdem wieder hei
Wenn i wie all wär wär i villicht nöd so ellei
Wenn i rich wär würdi trotzdem nieh gnueg ha
Und die andere für mich go kämpfe la
Wenn i gschuld wär würd is sicher nöd zuegeh
Und e Abgangsentschädigung mitneh
Aber wenn ich du wär würd ich mir e Chance geh
Aber wenn ich du wär würd ich mich bi de Hand neh
Wenn ich du wär würd ich mich ganz fescht in Arm neh
und säge „s chunnt scho guet" und dass' bald nüm' weh tuet
Wenn i nett wär denn liess ich eu in Rue
Wenn's mer glich wer würd i nöd e so blöd tue
Wenn i ehrlich wär würd i säge „s chotzt mi a
Dass immer ich muess go ge Pfötli schüttle gah!"
Wenn i schlau wär het i de Song zensuriert
Und mich wenigschtens hüt mal nöd blamiert
Wenn s mi nöd zwunge hättet wär i gar nöd da
Und hät au nöd die Latexunterhose a
Aber wenn ich du wär, würd ich mich trotzdem verstah
Wenn ich du wär, würd ich mich trotzdem gern ha
Wenn ich du wär würd ich mich jetzt fescht in Arm neh
Wenn ich du wär -
Wenn ich du wär -
Wenn ich du wär würd ich mich jetzt wieder losla
